Талғардағы уақытша қамау изоляторынан қашқан күдікті ұсталды

21 қазанда Талғар ауданындағы уақытша қамау изоляторынан қашқан күдікті Бекарыс Қалмырзаевты полицейлер Тереңқара ауылының шетінде ұстады, деп хабарлайды Orda.kz.

Күдікті қашып кеткеннен кейін полицияның бар күші дереу жұмылдырылды. Іздеу операцияларына сондай-ақ еріктілер отрядтары, қоғамдық белсенділер, волонтерлер мен жақын маңдағы елді мекендердің тұрғындары белсенді атсалысып, далалар мен орман алқаптарын, бос қалған ғимараттарды аралады. 

Қазір күдікті қайтадан уақытша қамау изоляторына жеткізілді. Ал оған негізгі айыптан бөлек, қамаудан қашқаны үшін жаңа айып тағылатын болады.

Еске сала кетсек, ол бұған дейін өзінің 8-сынып оқитын жиеніне зорлық көрсетті деген күдікпен ұсталды.