Талғарда бүгін жаңа әкімді таңдайды

Талғарда бүгін әкім сайлауы өтеді, деп хабарлайды Orda.kz. 

Аумақтық сайлау комиссиясының мәліметінше, сайлау 26 сайлау учаскесінде сағат 7.00-ден 20.00-ге дейін өтеді. Талғарда барлығы 42 мың 774 сайлаушы тіркелген. Сайлауға үш кандидат тіркелді:

Amanat партиясы ұсынған 41 жастағы Арыстанбек Әбілхаирұлы «Талғар тұрғын үй» ЖШС басшысы

Қазақстанның халық партиясы 33 жастағы Жәнібек Кәденовті ұсынды. Ол Талғар ауданы әкімі апаратының қаржы-шаруашылық бөлімінің бас маманы. 

Өзін-өзі ұсынған 42 жастағы Әлібек Рамазанов – «Бесағаш» ауылдық округі әкімінің орынбасары.

Еске салайық, 15 қазан күні Талғар қаласының әкімі Бақыт Күрішбеков пен оның орынбасары Сағындық Матан қызметінен босатылды.