Талғар тұрғындары әкімдік пен полиция тарапынан көрген қысымға шағымданды

16 қазанда Алматыда «Талғар өңіріндегі тәртіпсіздіктерге» арналған баспасөз конференциясы полицияның Әлнұр Ильяшев пен Жарқын Күреңтаевты ұстауына байланысты өтпей қалды. Алайда, кейіннен Талғар тұрғындарының қатысуымен өтті, деп хабарлайды Orda.kz.

Баспасөзде Талғар ауданының тұрғындары Несібелі Байтуғанов пен адвокат Асылбек Кенжебаев және Бірлік ауылының тұрғыны Мақсат Кенжебаевтың қатысуымен өтті. 

Тұрғындардың айтуынша,  5 жылда  5 әкім ауысқан Талғар қаласы 16 жасар Шерзат Полаттың өлімінен басқа да көптеген заң бұзушылықтар мен жемқорлықтарға толы аймақ болып шықты.

Талғар қаласының әкімшілігіне су мәселесімен барған Несібелі Байтуғановтың айтқан наразылығы ұнамай, әкімшіліктің адамдары оны қудалап жатқанын айтты. Ал Мақсат Кенжебаевтың әкімдікке сол ауылдағы мешіт құрылысына байланысты айтқан уәжінен кейін құқық қорғау органдары мен әкімшіліктің қудалауына қалғанына шағымданды.

Айта кетейік, баспасөз мәслихатын ұйымдастырушы Жарқын Күреңтаев пен Әлнұр Ильяшевты БАҚ өкілдерімен кездесуге 2 сағат қалғанда полиция қызметкерлері ұстап алып кеткен болатын. Баспасөзде Асылбек Кенжебаев «Нақты не үшін ұстағанын Жарқын өзі айтар кейін. Бірақ, қазір менің ойымша оны осы баспасөзге кедергі келтіру үшін ұстады деп ойлаймын»,  — деген болатын.

Түстен кейін  Алматы қаласының полиция департаменті қоғам белсенділері ұсталды деген ақпаратқа қатысты мәлімдеме жасады.  Департамент жоспарланған баспасөз конференциясына қатысушылардың ұсталғаны туралы ақпараттың шындыққа жанаспайтынын мәлімдеді.

Ал Жарқын Күреңтаев әзірге дайын еместігін, оқиғаның егжей-тегжейімен кейінірек бөлісетінін айтты.