Талғар мафиясы: Хасанның ағасы Асланды алаяқтық жасады деп айыптады

Талғар ауданында Шерзат оқиғасынан кейін біршама былықтың беті ашылуда. 2 желтоқсанда адам құқықтары мен заңдылық сақтау жөніндегі Қазақстан халықаралық бюросы да Талғар ауданының бұрынғы әкіміне қатысты осы аудан тұрғындарының арыз-шағымдарымен бөлісті. Заңсыз жер сату, 78 миллонға жоспарланған қоқыс зауытының құрылысы, сонымен қатар әкімдіктің мәдениетсіздігі. Пресс-конференцияда қоғам белсендісі Жарқын Күреңтаев, адвокат Тимур Қабышев және Талғар ауданының тұрғындары көкейлеріндегі шағымдарын жеткізді, деп хабарлайды Orda.kz.

Талғар ауданындағы «Хуторлық» деп аталатын ұйымдасқан қылмыстық топтың жетекшісі деп аталған Хасан Қасымбаевтың үлкен ағасы Аслан Қасымбаев жер телімдерін заңсыз үлестірді деген күдік бар. Бұл туралы 2 желтоқсанда Алматыда өткен баспасөз мәслихатында қоғам белсендісі Жарқын Күреңтаев мәлімдеді.

Жиында «Ескі Қазақстан құрбандары» қозғалысының негізін қалаушылардың бірі, қоғам қайраткері Жарқын Күреңтаев төбе көрсетті. Ол Талғар ауданы әкімі аппаратының бұрынғы басшысы Аслан Қасымбаевтың жер алаяқтығына қатысы болуы мүмкін екенін айтты. Аслан Қасымбаевтың отбасылық байланыстарымен аты шыққан. Оның ортаншы ағасы Хасан үш жыл бұрынғы қылмыс жасады деген күдікпен ұсталды, ал інісі Ержан кісі өлтіргені үшін жазасын өтеп жатыр.

«Енді ұйымдасқан қылмыстық топ туралы емес, мен Талғар мафиясы туралы айтып отырмын. Неліктен мафия туралы? Жер телімдерін беру туралы бұйрықтарға Талғар ауданы әкімі аппаратының басшысы болған Хасанның інісі сол Қасымбаев мырзаның қол қойғаны туралы деректер бар. Біз кезекке тұрмағандарға өз қолтаңбасымен жер үлестірген кем дегенде 15 факті жинадық», - дейді Жарқын Күреңтаев.

Әлеуметтік белсендінің айтуынша, ол кезексіз жер берілген бірнеше адаммен (өтініште телефондары көрсетілген) хабарласпақ болған. Барлығы дерлік сұрақтарға жауап беруден бас тартты, бірақ бұл адамдар жер телімдері берілген ауылдарда тұрмайтыны белгілі болды.

Бұл ретте Алматы облысында мыңдаған отбасы жер телімін алу үшін жылдар бойы кезекте тұр. Аслан Қасымбаевтың неліктен кезекте тұрған көп адамды елемей, кенеттен жер алуға ресми өтініш бермегендерді қуантуға бел буғаны жұмбақ күйінде қалып отыр. Белсенділер сыбайлас жемқорлық белгілері болуы мүмкін деп күдіктенеді.

«Антикор Аслан Қасымбаев мырзамен қашан айналысады? Бұл оның жай ғана  «қолшоқпар» болуы мүмкін екенін көрсетеді. Яғни, жерді тізімде жоқ адамдарға рәсімдеп, кейін сататын белгілі бір айла әзірленді. Бұл Талғар мафиясы, бір ағасы кісі өлтіргені үшін түрмеге жабылса, екінші ағасы белгісіз іспен айналысады – қазір ұрлады, ұрды деп қамалды. Ал үшінші ағасы жер үлестіреді», – дейді Жарқын Күреңтаев.

Баспасөз мәслихатына қатысқан қоғам белсенділерінің айтуынша, Талғар өңірінің көптеген тұрғындары жылдар бойы бұрынғы колхоздан қалған жер телімдерін алуға талпынған, дегенмен әр жолы барлық құқық белгілейтін құжаттары бола тұра басшылық оларға  рұқсат бермеген.

«Талғар ауданы сейсмикалық қауіпті аймақтарға жатады. Жер сілкінісі болса ше? Мемлекеттік органдар қозғала бастау үшін ондаған, жүздеген адам өлуі керек пе? Негізі құқықтық бағаны тергеу органдары мен прокуратура беруі керек», - деді Жарқын Күреңтаев.

Талғар шенеуніктеріне жер және құрылысқа рұқсат беру бойынша алаяқтықтан бөлек, экологиялық құқық бұзушылықтар да бар. Белсенді Галина Арзамасова  бұған сенімді: «Талғар мафиясы» болған және бар, дейді ол. Қоғам белсендісі 2019 жылы өміріне жасалған қастандықты ұйымдасқан қылмыстық топ қызметімен байланыстырады.

«Жер басып алуға, қоқыс тастауға, заңсыз карьерлерге қарсы шыққандар қысымға ұшырап, қудалануда. Мысалы, мені 2017-2019 жылдар аралығында ұрып-соқты, тонап кетті, ал біздің ержүрек полицейлердің, прокуратураның және Антикордың немқұрайлылығының арқасында  2019 жылдың тамыз айында әкімдіктің табалдырығында мені жай ғана атып тастады», - дейді Галина Арзамасова.

Белсенді Талғар ауданында ағаштарды заңсыз кесуден бастап, заңсыз карьерлерге дейін көптеген өрескел экологиялық заң бұзушылықтар туралы ақпарат қолында бар екенін айтты. Бірақ белсендінің айтуынша, ол әлі де қысымға ұшырайды. Ол қоғамдық талқылауларда сөйлеуге тырысқан сайын, күтпеген жерден «оқыс оқиға» болады.

Ал белсенділер Талғар ауданы жергілікті экологиялық апатқа ұшырауы мүмкін деп дабыл қағуда. Мұның бәрі біз басқа материалда айтқан заңсыз карьерлер туралы. Экологтардың айтуынша, кейбір карьерлер жер асты суларына дейін жетеді. Ал жер қойнауын ұқыпсыз пайдаланғандар қалдықтарды сонда көметіндіктен, бұл қоршаған ортаның ауқымды ластануына әкеледі.