Талғар ауданында сел болуы мүмкін

Алматы облысында Талғар ауданында сел қаупі бақылануда.

Бұл туралы Талғар ауданы әкімдігі хабарлайды.

Алматы облысының таулы аудандарында температураның жоғарылауы, мұздықтардың қарқынды еруі және мұздық көлдердің толуы, өзен арналарындағы ағынның жоғарылауы есебінен күрделі сел жағдайы сақталып отыр.

«Жоғарыда баяндалғандар негізінде Талғар өзені бассейніндегі №19 көлдің солтүстік және солтүстік-шығыс бөлігінде жиналған су жағалауды жырып ағуы мүмкін сол себепті қауіпті. Фондық бағалау әдістемесіне сүйене отырып сел ағындарын болжау бойынша мұздық көлдің серпілісі 6 тамыздан басталуы мүмкін. Осыған байланысты Талғар ауданының тұрғындары, қонақтары және демалушылар мен туристер Талғар қаласының басында орналасқан гиротехникалық қондырғыдан асып тауға, демалыс орындарға шығуға тыйым салынады»  делінген хабарламада.

Сонымен қатар Талғар өзені арнасына жақын орналасқан тұрғын үй иелері мен жергілікті халықтан хабарландыруларға мұқият болуды сұрайды.