Талдықорғанда оқушы қызды ұрып-соқты – полиция тергеу жұмыстарын бастады

Жергілікті мектептердің бірінің үш оқушысы құрбыларын ұрып-соғып, видеоға түсіріп алған. Кадрлар әлеуметтік желіде жарияланды.

Полицейлердің мәліметінше, видео 9 қаңтарда Талдықорғандағы пәтерлердің бірінде түсірілген. Оқиғаға қатысушылардың барлығы анықталып, олардан жауап алынды. Олар кәмелеттік жасқа толмаған және облыс орталығы мен Қаратал ауданындағы түрлі оқу орындарында білім алуда. Қазір жанжалдың себебі анықталуда.

«Зардап шеккен қыз өзінің өкілімен (әжесі) ресми арызбен полицияға барудан үзілді-кесілді бас тартты, зорлық-зомбылық фактілері әкімдік жанындағы кәмелетке толмағандардың құқықтарын қорғау комиссиясының қарауына жіберілді» деп хабарлады облыстық ПД баспасөз қызметі.