Талдықорған – Үштөбе тас жолында болған жол апатынан екі адам қаза тапты

Жол апаты 4 қаңтарда Toyota Windom және Toyota Sienna көліктерінің қатысуымен болған.

Көліктердің бірінің жүргізушісі жол тайғағынан көлік тізгініне ие бола алмай, қарсы жолаққа шығып, келе жатқан көлікпен соқтығысқан.

Toyota Windom көлігінің 75 және 34 жастағы екі жолаушысы оқиға орнында көз жұмды. Екі жүргізуші мен тағы үш адам медициналық тексеруден өту үшін Талдықорған қаласындағы ауруханаға жеткізілді.

Жол-көлік оқиғасы бойынша қажетті сараптамалар тағайындалып, сотқа дейінгі тергеу амалдары басталды.