Талдықорғанның белсенділері Назарбаев көшесінің атауын өзгертуді сұрайды 

Қоғамдық кеңес мүшелері бұған дейін Нұрсұлтан Назарбаев атындағы көшенің атын өзгерту туралы ұсыныспен хат жолдаған.  

Бұл даңғыл 2019 жылдың наурыз айынан бері тұңғыш президенттің есімімен аталады.

 «Қоғамдық кеңес мүшелерінің бастамасымен Жетісу облысының әкімдігі мен облыстық мәслихатқа Назарбаев көшесінің бұрынғы атауын Тәуелсіздікке қайтару туралы хаттар жолданды» делінген кеңестің Instagram желісіндегі парақшасында.

Көше атауын өзгерту бойынша енді Жетісу өңірінің депутаттары соңғы шешімді қабылдауы керек.  Мәселе қашан қаралатыны әзірге белгісіз.