Талдықорған қаласының әкімі жансақтау бөліміне түсті

Талдықорған қаласының әкімі Әсет Масабаев ауырып, жансақтау бөліміне түскен. Қазір Масабаевтың жағдайы тұрақты, әкім жалпы палатаға ауыстырылды.

«Бірнеше күн бұрын ауруханаға түсті. Жұмыс уақытында қан қысымы көтеріліп, жедел жәрдем көлігі келіп, жұмыстан алып кетті. Жансақтау бөлімінен жалпы палатаға ауыстырылды. Қазір жағдайы бірқалыпты» деп хабарлады Талдықорған қаласы әкімдігі баспасөз қызметінің хатшысы Мади Шакенов.

Айта кетейік, Әсет Масабаев Талдықорған қаласының әкімі болып 2022 жылы тағайындалды.

Масабаев 1985 жылы дүниеге келген. 2008 жылы Алматы энергетика және байланыс институтын инженер мамандығы бойынша, 2014 жылы Экономика және құқық академиясын экономика және бизнес мамандығы бойынша, сол жылы Ресей халықтар достығы университетін заңгер мамандығы бойынша бітірген.