Талдықорғандағы Назарбаев ескерткішінің тұғыры жоғалды

Бұл туралы Есдәулет Қызырбекұлы өзінің Facebook парақшасына жариялаған, деп хабарлайды Orda.kz порталы.

Талдықорғанда Қаңтарда қираған Назарбаев ескерткішінің тұғырын светті өшіріп қойып, жеті қараңғы түнде алып тастапты. Жарық дүниеден қорықты ма, жоқ әлде күн көсемді қатты құрметтеді ме кім білсін, әйтеуір тұғырынан тайдырыпты экс-елбасыны,– деп жазды журналист.

Еске сала кетейік Жетісу облысы, Талдықорған қаласындағы Нұрсұлтан Назарбаев ескерткіші 2016 жылы бой көтеріп, кешегі Қаңтар оқиғасында наразы білдіріп шыққандар құлатқан болатын. Ескерткіш құлағаннан кейін күдікті ретінде Азамат Батырбаевты ұстаған болатын. Оның арқасына полиция үтік басып, азаптаған деген ақпарат тарап, ел ішінде резонанс туғызды.