Талдықорғандағы қонақ үйде болған өрттен кейін әйелдің денесі табылды

Әйелдің денесі өрттен кейін Талдықорғандағы қонақ үйден табылды, деп хабарлайды Orda.kz.

«Полиция Талдықорған қаласында кісі өлтіру фактісі бойынша қылмыстық іс қозғады. Жедел-тергеу жолымен 23 жастағы күдікті ұсталды және қамауға алынды» деп хабарлады облыстық полиция департаментінің баспасөз қызметі. 

Ведомствоның мәліметінше, тергеу шаралары жүргізілуде.

«2025 жылғы 24 мамырда облыстың ТЖД-не Талдықорған қаласындағы Қаблиса Жырау көшесіндегі қонақ үйде түтін шыққаны туралы хабарлама келіп түсті. Оқиға орнына ТЖД күштері мен құралдары жоғары дәрежелі дайындықпен жедел шықты»  деп жазылған облыстың ТЖД баспасөз қызметі таратқан хабарламада. 

ТЖД хабарлауынша, олар келген соң бірінші қабатта 20 шаршы метр алаңда ресепшен өртенгені анықталды. ТЖД күштері бір баланы қоса алғанда 35 адамды эвакуациялады.

«Барлау барысында бірінші қабатта, әкімшілік бөлмесінде 1982 жылы туған әйелдің зорлық-зомбылық өлім белгілері бар денесі табылды. Өрттің алдын ала себебі - белгісіз адамның өрт қойғаны. Материал тергеу үшін полиция департаментіне берілді» деп жазылған хабарламада. 

Денесі табылған әйелге 12 пышақ жарақаты салынғаны белгілі болды.

«Жедел-іздестіру барысында ізін суытпай 23 жастағы күдікті ұсталды және қамауға алынды. Тергеу шаралары жүргізілуде. Тергеу аясындағы өзге ақпарат жариялауға жатпайды» деп жазыдлған облыстың Жетісу қалалық ІІД хабарламасында.