Талдықорғанда полицейлер екі адамды өлтірді деген күдіктіні ұстады

Талдықорғанда полиция қызметкерлері екі адамды өлтірді деген күдікпен 43 жастағы ер адамды ұстады.

Белгілі болғандай, күдікті соңғы бірнеше күн бойы көпқабатты үйлердің бірінің жертөлесінде жасырынып жүрген. Қазір ұсталған азамат қалалық ішкі істер бөліміне жеткізілді.

Күдікті бұрын сотталған, көршілес Алматы облысының тумасы. Ұсталған адам мойындап қойған.

Естеріңізге сала кетейік, 5 қаңтарда Талдықорғандағы жеке үйлердің бірінде мәйіттері зорлық-зомбылық белгілерімен табылған қарт әйел мен оның 52 жастағы ұлын өлтіру фактісін облыстық полиция тергеп жатыр. Жедел іздестіру шаралары барысында полицейлер қылмысқа 43 жастағы ер адамның қатысы барын анықтады. Оның жеке басын анықтауға көмектескен сот-медициналық сарапшылар қажетті айғақтарды жинап, қылмыс орнында оны көрсететін іздерді көрсетті. Талдықорған қалалық полициясы мен облыстық департамент қызметкерлері күдіктіні іздеп, ұстауға жұмылды. Іздеудегі адам туралы ақпарат әлеуметтік желілерде де жарияланып, жақын маңдағы облыстарды қоса алғанда, барлық полиция бөлімшелеріне жіберілді.

Аталған факті бойынша Қазақстан Республикасы Қылмыстық кодексінің 99-бабы «Адам өлтіру» бойынша тергеу амалдары жүргізілуде. Ұсталған азамат уақытша ұстау изоляторына қамалды.