Талдықорғанда полицей бір баланың өмірін аман алып қалды

Талдықорғанда полиция қызметкері суға батып бара жатқан баланы құтқарды.

Бұл туралы ІІМ баспасөз қызметі хабарлайды. 

Суға батқан бала туралы нақты ақпарат жоқ. Алайда, полиция қызметкері өзінің ерлігі түсірілген видеомен бөлісіп, өзге ата-аналарды жаз мезгілінде аса сақ болуға шақырды.

«Биылғы жылдың 6-сы күні Қарғалы өзені бойымен ағып бара жатқан баланы байқадым. Байқай салып құтқару әрекетіне кірістім. Баланың қасына жақындаған кезде оның ес-түссіз екенін байқап, тез арада алып шығып, алғашқы көмек көрсетіп, жедел жәрдем шақырдым. Құрметті ата-аналар, балаларыңызды қараусыз қалдырмауларыңызды сұраймыз», – деді батыл полицей.

Дәрігерлер дер кезінде көмектесті. Жасөспірімнің жағдайы бір қалыпты.