Талдықорғанда орталық саябақ сатылымға шығарылды

Миллиард теңгеге саябақты жөндеу мүмкін болмады. Енді жергілікті билік оны сенімгерлік басқаруға бермекші, деп хабарлайды Orda.kz.

Әкімдік мұндай шешімге нысанды ұстаудың қымбаттығынан барса керек. Қаланың сүйікті демалыс орны көптен бері жөндеуді қажет етеді.

Биылғы жылдың наурыз айында Талдықорған қаласының тұрғын үй-коммуналдық шаруашылық бөлімі (баланс ұстаушы) Орталық саябақты күрделі жөндеуден өткізуге тіпті тендер жариялаған болатын. Олар бұл мақсаттарға бюджеттен миллиард теңгеден астам қаражат бөлуге дайын болды.

Алайда тапсырыс беруші кенет лоттан бас тартты. Содан бері жаңа мемлекеттік сатып алулар жарияланған жоқ. Оның орнына қараша айында қала әкімі Ернат Бәзіл саябақ аумағының 41 437 шаршы метр бөлігін сенімгерлік басқаруға беру туралы шешім қабылдады.

Аукционға қатысу үшін үміткерлер 5,6 миллион теңгеден астам кепілдік жарна төлеуі қажет.