Талдықорғанда көп қабатты үйдегі өрттен жеті бала құтқарылды

Талдықорғанда Қаратал шағын ауданында орналасқан бес қабатты көп пәтерлі тұрғын үйден өрт шықты. Өрт бірінші қабаттағы пәтерден шықты, нәтижесінде кіреберіс жылдам қалың түтінге  оранды, деп хабарлайды Orda.kz ТЖМ-ге сілтеп.       

Оқиға орнына жедел түрде төтенше жағдайлар департаментінің бөлімшелері келді. Құтқару операциясы барысында өрт сөндірушілер автосатының көмегімен жоғарғы қабаттағы терезелерден сегіз адамды эвакуациялады, олардың жетеуі - балалар.

ТЖД мәліметінше, өрт салдарынан зардап шеккендер жоқ. Алдын алу мақсатында құтқарылғандардың барлығы қосымша медициналық тексеру үшін Талдықорған қаласының көпбейінді ауруханасына жеткізілді.

Өрттің тұтану себептері анықталып жатыр.

Еске салсақ, Қарағандыда 12 қабатты үйден шыққан өрттен бір адам қаза тапты.