Талдықорғанда көп балалы ана кісі қолынан қаза тапты

Ескелді ауданы, Қарабұлақ ауылында 6 баланың анасы қайтыс болды, деп хабарлайды Orda.kz.

Қылмыстық іс туралы сол ауылдың тұрғындары хабарлаған. Ал осы оқиға бойынша Orda.kz редакциясы Жетісу облысының полиция департаментінен жауап алды.

«Ескелді ауданының полиция бөлімі ішімдік ішу кезінде жасалған кісі өлтіру туралы қылмыстық істі тергеп жатыр. Күдікті ұсталды және қамауда отыр. Тергеу барысы полиция департаменті басшылығының жеке бақылауында», – деп жауап берді.

Ауыл тұрғындары бұл оқиғаны қызу талқыға салып, ашу танытты. Олардың айтуынша, бірден әйелді кінәлау дұрыс емес. 

«Біз ешқандай да шындықты білмейміз, бәлкім әйел ішпеген де шығар, оны тиран-күйеуі өлтіріп кеткен болар. Барлығын құдай көріп тұр»

Сондай-ақ, құқық қорғау органдары алкогольді шамадан тыс пайдалану қайғылы салдарға әкелуі мүмкін екенін еске салады.