Талдықорғанда ер адам 6 жасар баланы зорламақ болды

Талдыкорғанда 22 қыркүйекте белгісіз ер адам алты жасар қызды көпқабатты үйдің кіреберісінде зорлауға тырысты, деп хабарлайды Orda.kz.

Krispi.tdk мәліметтеріне қарасақ, қаскүнем қыздың шалбарын шешпек болған. Бірақ оның әрекетін басқа бір ер адам тоқтатқан. Педофил табанын жалтыратқан, әлі табылған жоқ.

Сол күні Талдықорғанның Шығыс ауданында да ұқсас жағдай болды. Сегіз, алты және үш жастағы үш қыз аулада ойнап жүргенде, оларға бөтен адам таяп келіпті. Бір қыздың анасы өзінің үлкен қызына белгісіз ер адамның белінен және бөксесінен ұстап, қайда тұратынын сұрағанын айтты. Оның үстінде қызыл спорттық куртка мен қара қалпақ болған екен. Балалардың есінде қалғаны осы.