Талдықорғанда дәмханада болған жаппай төбелеске қатысқандар қамалды

Талдықорғанда жергілікті дәмханалардың бірінде бұзақылық жасаған үш азаматқа қатысты қылмыстық іс қозғалды. Тергеу барысы ерекше бақылауда, деп хабарлайды Orda.kz Жетісу облыстық полиция департаментіне сілтеме жасап.

Жаппай төбелес 1 қаңтарда болған. Жанжалға қатысушылар қалалық полиция бөліміне жеткізілді.

Қазақстан Республикасы Қылмыстық кодексінің 293-бабының 2-бөлігімен «Адамдар арасындағы бұзақылық» бойынша сотқа дейінгі тергеу жүргізілуде.

«Төбелестің үш қатысушысы ҚР Қылмыстық-процестік кодексінің 128-бабына сәйкес ұсталып, уақытша ұстау изоляторына қамалды. Тергеу барысында іске қатысушы әрбір тұлғаның әрекетіне қолданыстағы заңнамаға сәйкес процессуалдық шешім қабылданып, тиісті баға беріледі», - деді облыстық полиция департаментінің басшысы Арман Саданов.