Талдықорған оқушыларының ерсі ойыны: бірнеше мұғалім жұмыстан шығарылды

Талдықорғанның білім бөлімінің басшысы Шынар Шәріпбаева қаланың №1 мектебіндегі видеоға түсірілген жағдайға түсініктеме берді, деп хабарлайды Orda.kz. 

Еске салайық, әлеуметтік желілерде Талдықорған қаласының оқушылары қатыгез «ойын» ұйымдастырған видео тараған еді. 

Шәріпбаеваның айтуынша, полиция видеодағы «ойынға» қатысушылардың ата-аналарына айыппұл салған. Оқиғаның барлық қатысушылары профилактикалық есепке алынған. 

Тоғызыншы сынып оқушыларымен түсіндірме жұмыстары жүргізілді.  Сонымен қатар олардың психологиялық жағдайы тұрақты деп бағаланады. Әрі Жетісу облысындағы білім басқармасы мен бала құқықтары жөніндегі уәкіл шұғыл кеңес өткізді.