Талдықорғанда 24 жастағы жүргізуші бағанаға соғылып, мерт болды

24 қазанға қараған түні Талдықорған қаласында жантүршігерлік жол апаты орын алды.

Бұл туралы Orda.kz хабарлады.

«Жол-көлік оқиғасы 24 қазанда шамамен 22:18 шамасында орын алды. Қонаев көшесінің бойымен шығысқа қарай жылжып бара жатқан Toyota Camry көлігінің 24 жастағы жүргізушісі рөлді басқара алмай, электр бағанына соғылғандығы анықталды» делінген Алматы облысының ПД хабарламасында.

Апат салдарынан Toyota жүргізушісі ауруханаға жетпей жедел жәрдем көлігінде қайтыс болды. 22 жастағы жолаушы түрлі жарақатпен ауруханаға жеткізілді.

ҚР Қылмыстық кодексінің 345-бабы бойынша іс қозғалды. Қажетті сараптамалар тағайындалды.