Талапкерлердің аузын айға қаратып кеткен алаяқ Астанада ұсталды

Астана тұрғыны студенттердің отбасыларын алдап, ЖОО-да оқуға негізгі тізімнен тыс грант рәсімдеуге уәде берген, деп хабарлайды Orda.kz.

 Polisia.kz сайтының ақпараты бойынша, Астанада полицейлер алаяқтыққа күдікті 34 жастағы адамды ұстады. Ол бакалавриат пен магистратураға білім гранттарын алуға көмектесуге уәде беріп, жиырмадан астам талапкердің отбасын айға қаратып кетті.

 «Ол жеке байланыстары арқылы схема құрып,  сенімді азаматтар оны таныстарына ұсынды. Ер адам телефон арқылы сенімді кеңес, оқуға түсуге кепілдік беріп, өзінің «қызметі» үшін ірі қаражат талап еткен. Ақша делдалдар арқылы берілді, осыдан кейін алаяқ байланысын үзіп, жоқ болады. Жәбірленушілердің бірі оған магистратураға «кепілдендірілген» грант үшін бір миллион теңге берген». 

Алаяқтық фактісі бойынша қылмыстық іс қозғалды.

Полиция мемлекеттік білім гранттары тек конкурс бойынша берілетінін еске салды. Оны заңсыз жолмен алуға тырысудың қажеті жоқ, бұл тек қаржылық шығынға ғана емес, әкімшілік немесе қылмыстық жауапкершілікке де әкеледі.

Бүгін Қазақстандағы магистратураға тапсырған  грант иегерлерінің тізімі шыққаны туралы ғылым және жоғары білім министрі Саясат Нұрбек өз парақшасында жариялады.