Талғат Момышев экология вице-министрі қызметіне тағайындалды

Талғат Амангелдіұлы Момышев экология, геология және табиғи ресурстар вице-министрі қызметіне тағайындалды. Ақпарат үкіметтің ресми сайтында жарияланды.

Бұл туралы Orda.kz хабарлайды.

Талғат Момышев 1968 жылы Ақмола облысында дүниеге келген. Жамбыл гидромелиоративтік-құрылыс институтын, Алматы экономика және статистика институтын тәмамдаған. Мамандығы бойынша: инженер-құрылысшы, бухгалтер-экономист.

1994-1996 жж. — қазақ-түрік бірлескен кәсіпорнының атқарушы директоры. 

1997-1998 жж. — Жамбыл стандарттау және метрология орталығы директорының мемқадағалау жөніндегі орынбасары.  Әр жылдары жеке компанияларда жұмыс істеді.

1998-1999 жж. — Жамбыл облысы әкімі аппаратының аға референті.  

1999-2000 жж. — Жамбыл облыстық инвестициялар және ЖЭС комитетінің төрағасы.  

2000 ж. — «Метрология» РМК Алматы бөлімшесінің басшысы, «Ұлттық аккредиттеу орталығы» АҚ директорының бірінші орынбасары. 

2000-2005 жж. — «Ұлттық сараптама және сертификаттау орталығы» ААҚ Астана қаласы бойынша өндірістік басқармасының басшысы.

2005-2010 жж. — Индустрия және сауда министрлігінің Техникалық реттеу және метрология комитеті төрағасының орынбасары. 

2010-2014 жж. — Мұнай және газ министрлігінің Мұнай-газ кешеніндегі мемлекеттік инспекция комитетінің төрағасы. 

2014-2016 жж. — Энергетика министрлігінің Мұнай-газ кешеніндегі Экологиялық реттеу, бақылау және мемлекеттік инспекция комитетінің төрағасы. 

2016-2018 жж. — ҚР Президенті Әкімшілігінің мемлекеттік инспекторы. 

2018-2019 жж. — Жамбыл облысы әкімінің орынбасары. 

2019-2021 жж. — ҚР Энергетика министрлігінің жауапты хатшысы.

2021 жылдың қаңтарынан қазіргі уақытқа дейін ҚР Энергетика министрлігінің аппарат басшысы болды.