Талғар қаласында жаңа әкім сайланады

Бұл лауазымға бірден төрт үміткер өтініш білдірсе, оның үшеуі өзін-өзі ұсынғандар.

12 маусым күні таңертең Талғарда қала әкімі сайлауы басталды. Қала әкімдігінің Instagram желісіндегі парақшасында сайлау туралы хабарлама пайда болған.

Бұл лауазымға төрт үміткер: өзін-өзі ұсынған 43 жастағы Нұрбек Дәулетбақов («Qazaqui» ЖШС директоры), 40 жастағы өзін-өзі ұсынған Бақытжан Ақбұтаев («ТКШ және газбен қамту бөлімі» мемлекеттік мекемесінің бас маманы), тағы бір өзін-өзі ұсынған 45 жастағы Сапарбек Назарбаев («Safe Lombard» ЖШС автокөлік ломбардын дамыту жөніндегі менеджер) және «Аманат» партиясының кандидаты, партияның Талғар аудандық филиалының жауапты хатшысы 32 жастағы Бақыт Күрішбеков .

Сайлау күткендей таңғы сағат 7-де басталып, 20-00-ге дейін жалғасады. Қала белсенділері сайлауды мұқият бақылап отыр. Бұзушылықтар туралы хабарлағандарға тіпті сыйақы да уәде етілген. Жалған санау фактілері үшін – 100 мың теңге, жалған толтыру туралы хабарлама үшін – 50 мың, ал сол адамның қайталап дауыс бергені анықталса 20 мың теңге сыйақы беріледі.

Айтпақшы, Талғарда әкім сайлауы алдыңғы жылдың қазан айында ғана өткен болатын. Өткен сайлау нәтижесі бойынша  Қайрат Исабаев қала басшысы атанған болатын. Ол сайлаушылардың жартысынан көбінің  – 53,5% дауыс жинады.

Талғар округтік сайлау комиссиясының мәліметінше, сайлаушылардың 58 пайызы сайлауға қатысқан. Талғар қаласының әкімі лауазымына үш үміткер бақ сынады. Абзал Сағымбекұлына 35,3 пайыз дауыс берсе, сайлаушылардың 7,7 пайызы Ұлан Қызайбекке, 1,6 пайызы барлығына қарсы дауыс берді.

Талғар тұрғындары сайлау комиссиясының адалдығына сенбесе, кейбіреулердің дауысы азаматтардың пікірімен санаспаспай  берілген деп есептейді.