Такси жүргізушісі қазақша сөйлеуден бас тартты

Қазақстандық такси жүргізушісінен қазақ тілінде сөйлеуін өтінген жолаушының өзі сөз естіп қалды. Ер адам қай тілде сөйлесу керектігін өзі шешетінін айтып, біраз бұрқырады.

Бұл туралы Orda.kz хабарлады.

Желіде «такси манифесі» деп аталатын жанжалды бейне талқылануда.

Жолаушы такси жүргізушісін видеоға түсіріп, қазақ тілінде сөйлеу туралы өтінішінен кейін қарша бораған сөздің асттында қалды. Бейне желіде тез танымал болды. Оның қайда түсірілгені белгісіз.

- Бұл менің жеке көзқарасым. Бұл менің жеке тілегім. Мен қалаған тілде сөйлескім келеді. Қалай сөйлесу керектігін, не айту керектігін, кім екенімді көрсететін сіз емессіз.  Сіз мені дүниеге әкелген жоқсыз, мені тәрбиелеген жоқсыз.

Мен Кеңес Одағында, орыс тілі жалғыз тіл болған елде өстім. Балабақшадан бастап бәрі тек орыс тілінде болды. Мен қазақ екенімді онсыз да білем, – деді такси жүргізушісі.

Ер адам ол кезде қазақ тілінде ешкім сөйлемегенін айтты.

- Сіз кімсіз, маған солай сөйлейтін? Сіз ұлттық элита ретінде қысым көрген кезде орыстар арасында тұрдыңыз ба? Мен қазақпын, осында өстім, дүниеге келдім, барлық мүдделерімді қорғадым. Мен қалағандай сөйлесемін. Мен сізбен қазақ тілінде сөйлескім келмейді. Мүлде сөйлескім келмейді, – деді ол.

Кадрдың артында әйел ер адамнан оған дауыс көтермеуді сұрайды. Оған қарсылық білдіруге тырысқанымен, бірақ ол тыңдағысы келмейді.