Таиланд теңізінен 18 жастағы қазақстандықтың денесі табылды

Қайтыс болған жас жігіт бастапқыда Ресей азаматы деген болжам болғанымен, кейін оның Қазақстаннан екені белгілі болды.

Аралдың солтүстігіндегі Най Ян жағажай аймағында жоғалып кеткен турист туралы Пхукет туристік полициясы 1 қыркүйекте хабарлады. ТАСС агенттігінің хабарлауынша, билік бұл ресейлік турист болуы мүмкін деп мәлімдеген.

Сол күні ауа-райының қолайсыздығына байланысты уақытша тоқтатылған іздеу-құтқару операциясы қайта басталды. Қатты толқын тұрып, жаңбыр жауды.

Кейін полицейлер мәйіт қазақстандық туристікі екенін айтты.

Айта кетейік, Тайландта сәуірден қарашаға дейін созылатын жаңбырлы маусым кезінде теңізде туристер өлімі жиілеген. Демалушылар құзырлы орындар мен құтқарушылардың теңіз толқыны салдарынан жағажайларда көтерілген қызыл жалаулармен суға түсудің қауіптілігі туралы ескертулеріне жиі мән бере бермейді.

Таиландта жаңбырлы маусымда әсіресе кері ағыстар жиі кездеседі, олар жағалауға түзу сызықпен жүзуге мүмкіндік бермейді, сондықтан құтқарушылар қауіпті аймақтан біртіндеп шығып, оңға немесе солға қарай қатарласа жүзуді ұсынады.