Тағы бір танымал рэпер қыз зорлады деп айыпталды

Рэпер Джей-Зи 13 жасар қызды зорлады деп айыпталды, деп хабарлайды Orda.kz. 

АҚШ федералды сотында рэпер Джей-Зидің ісі қаралып жатыр. Оған 13 жасар қызды зорлады деп айып тағылған. Құжаттарда бұл оқиға 2000 жылы Нью-Йорктегі П.Дидди ұйымдастырған кеште болғаны айтылған.

Жәбірленушінің айтуынша, Джей-Зи мен П.Дидди қызға есірткі беріп, содан кейін оны зорлаған. Джей-Зидің өзі бұл талапты қыздың адвокатының «бопсалау әрекеті» деп атады және оған тағылған айыптарды толығымен жоққа шығарды.

П.Диддиге қатысты сот қазан айында басталған, бірақ ол кезде Джей-Зидің есімі аталмаған еді. Енді жаңартылған құжаттарда ол жауапкерлердің бірі ретінде көрсетілген.