«Тағы бір Салтанат»: экс-полицей бұрынғы әйелін ұрып-соғуын қызғаныш деп түсіндірді

Оқиға 4 сәуірге қараған түні Алматыдағы Life Town тұрғын үй кешенінде болған.

Ер адам бұрынғы әйеліне қатты соққы беріп, оны құлатқан.

Бұрынғы әйелі Салтанат Ақботаеваға шабуыл жасаған бұрынғы полиция қызметкері Александр Ким өз әрекетін түсіндіріп, видеоға түсіріп алған. Ол Салтанаттың телефонынан бейтаныс адамның суреттерін тауып алып, өзін ұстай алмай қалған.

Ким оның тек қатты сілкігенін, бірақ бұрынғы әйелін ұрмағанын және жәбірленушінің бетінде ешқандай сызаттар, жаралар, көгерулер жоқ екенін айтады. Бейнебақылау камерасынан әйелдің соққыдан ұшып кетіп, кеудесін ұстап жерге құлағаны анық көрінеді.

Биліктің бұрынғы қызметкері Салтанат Ақботаеваның үстінен полицияға арыз жазғанын айтты. Енді ол бұрынғы министр Қуандық Бишімбаевтың сотында онымен бір қатарда отырамын деп қауіптенеді.

«Дети под защитой» қорының жетекшісі Жанна Ахметова ер адамның бұрын Жамбыл облысы ІІД тергеу бөлімінде жұмыс істегенін айтты. Оның айтуынша, ер адам бірге тұрғанда Ақботаеваны ұрып-соққан.