«Тағы бір Салтанат»: бұрынғы полицей әйелін ұрып-соққаны үшін қамауға алынды

Желіде экс-полицей Александр Ким бұрынғы әйелін соққы жасап, қашып кеткені туралы видео пайда болды, ал Салтанат есімді әйел кеудесін ұстап жерде жатыр.

Кейінірек агрессор өзінің әрекетін инстаграмда қызғаныш деп түсіндірді, ол бұрынғы әйелінің телефонынан бейтаныс ер адаммен бірге түскен суреттерді тауып алған. Ким оның тек қатты сермеп кеткенін, бірақ Салтанатқа соқпағанын және жәбірленушінің бетінде ешқандай сырылған, жара, көгерген жерлері жоқ екенін айтады. Бейнебақылау камерасынан әйелдің соққыдан ұшып кетіп, кеудесін ұстап жерге құлағаны анық көрініп тұр.

Нәтижесінде экс-полицей 25 тәулікке қамауға алынды.

«Бұрынғы әйеліне дене жарақатын келтірген ер адам ұсталды. Сот шешімімен ұрып-соғып, бөтеннің мүлкіне қасақана зиян келтіргені үшін ол әкімшілік қамауға алынып, айыппұл салынды» деді Алматы қалалық полиция департаментінің баспасөз қызметі.

«Дети под защитой» қорының жетекшісі Жанна Ахметова ер адамның бұрын Жамбыл облысы ІІД тергеу бөлімінде жұмыс істегенін айтты. Оның айтуынша, ер адам бірге тұрған уақытта Ақботаеваны ұрып-соққан.