Тағы бір қаржы пирамидасының жолы кесілді

Тұтынушылық кооператив ретінде жасырылған «Buyers Union» қаржы пирамидасының қызметі тоқтады, деп хабарлайды Orda.kz. 

Қаржылық мониторинг агенттігінің мәліметінше, аталған қаржы пирамидасының қызметі 26 ақпан күні тоқтаған. 

Қызметкерлер салымшыларды Trade in және ReFinance бағдарламаларына қатысып инвестиция салуға үгіттеген. 

Кооператив салымшыларға ақша алғаны туралы ешқандай құжат ұсынбаған. Пирамидаға 250-ден астам салымшы тартылып, 300 млн теңгеден астам қаражат салған. 

Ресми мәлімет бойынша, пирамида ұйымдастырушысы екі айға қамауға алынды. Сотқа дейінгі тергеу жалғасып жатыр.