Тағайындалғанына бір ай болмаған Францияның премьер-министрі қызметінен кетті

Франция премьер-министрі Себастьен Лекорню 27 күн жұмыс істеп қызметінен кетті. Ол Макронның жақтастары да, оппозиция да айыптаған жаңа министрлер кабинетінің құрамы жарияланғаннан соң отставкаға кетуге өтініш жазды, деп хабарлайды Orda.kz. 

Франция премьер-министрі Себастьен Лекорню отставкаға кетуге өтініш берді. Ол билік басында 27 күн болды. Бұл француз премьері ретіндегі ең қысқа мерзім. 

Бір күн бұрын Лекорню ел үкіметін жаңартты. Алдыңғы министрлердің кейбірі өз қызметтерін сақтап қалды. Мысалы, ІІМ басшысы Бруно Ретайо және әділет министрі Жеральд Дарманен.

Тағайындауларды министрлердің өздері де, оппозиция да сынға алды. «Ұлттық бірлестік» партиясының оңшыл жетекшісі Джордан Барделла жаңа үкіметке көңілі қалғанын айтты. Ретайо да «уәде етілген серпілістің» жоқтығына наразылығын білдірді.

Лекорню қызметі барысында Франция саясаты туралы мәлімдеме жасамаған. Оның Ұлттық Ассамблеядағы бағдарламалық сөзі 7 қазанға жоспарланған болатын.

Министрлер кабинетінің басшысы ретінде Леокорнюдың орнына Франсуа Байра келді. Жаңа премьер заң жобаларын парламенттің талқылауынсыз және дауыс берусіз қабылдауға мүмкіндік беретін Конституцияның 49.3-бабына жүгінбейтінін айтты. 

Айта кетейік, Эммануэль Макрон мамыр айында Вьетнам сапарында жұбайынан шапалақ жеді.