Тәжікстан қырғыз ауылдарын қайта атқылай бастады

Тәжікстан қырғыздардың Құұлынды және Жаңа-Жер ауылдарын атқылауды қайта бастады, деп хабарлады Қырғызстан шекара қызметі.

Қырғызстанның Денсаулық сақтау министрлігі Тәжікстанмен шекарадағы қақтығыс кезінде 2 қырғыз азаматының қаза тауып, 55-і жараланғанын хабарлады.

Айтпақшы, бүгін Самарқандта өткен ШЫҰ саммитінде Қырғызстан мен Тәжікстан президенттері әскерді шығару туралы келісті.

Тәжікстан шекара қызметі өз кезегінде атысты тоқтату келісімін бұзған қырғыз тарапы екенін алға тартады.

Шекара әскерлерінің баспасөз қызметі Қырғыз Республикасы Тәжікстандағы азаматтық нысандарға шабуыл жасау кезінде әскери тікұшақтар мен ұшқышсыз ұшақтарды қолданады деп мәлімдейді.

Еске салайық, Қырғызстан мен Тәжікстан өзара атысып  жатыр.