Тағы бір басшы мемлекеттен бөлінген қаржыны жымқырды

Бұл туралы ҚР Қаржы министрлігі Қаржы мониторингі комитетінің баспасөз қызметі мәлімдеді.  

Комитеттің баспасөз қызметінің хабарламасында:

«ҚР ҚМ Қаржы мониторингі комитетінің Батыс Қазақстан облысы бойынша Экономикалық тергеу департаментінің қызметкерлері облыс кәсіорындары бірінің директоры ҚР ҚК 189-б. 4-б. 2-т., 245-б. 3-б. қарастырылған қылмыстық құқық бұзушылықтарды жасағаны үшін күдікті ретінде ұсталып, қамауға алынды (ҚР ҚПК 128-б. сәйкес)»,- делінген.

Күдікті мемлекеттік сатып алуларға қатысып, «Нұрлы жер» мемлекеттік бағдарламасы шеңберінде тұрғын үйді салуға бөлінген 143 млн. теңгеден астам бюджет қаражатын қолды еткен.

«Сондай-ақ, айыпталушы 2017-2018 жылдар аралығында 1,5 млрд. теңгеден астам сомаға салықтарды төлеуден жалтарған. Тергеу амалдары жалғасуда»,-дейді ҚР ҚМ ҚМК Баспасөз қызметі.