Алтынды қанжығаға байладық

Лимадағы Әлем кубогын Перу елінің ауыр атлетика федерациясы ұйымдастырған. Қазақстандық спортшы Рахат Бекболат жастар арасында 102 келіге дейінгі салмақ дәрежесінде бірінші орынға ие болды, деп хабарлайды Ұлттық Олимпиада комитетінің сайты.

Халықаралық стандарттағы екінші алтын медальді жас ауыр атлеттер жеңіп алды. Кезекті күнгі жарыста 102 келіге дейінгі салмақтағы жарысы өткен. Бұл категорияда елімізден Рахат Бекболат қатысты. Қорытынды бойынша, қазақстандық спортшы екі сайыста 319 келі (140 және 179 келі) нәтижесімен, бірінші орынды иеленді.

Еске сала өтсек, жарыстың алғашқы күнінде бірінші алтын медальді Абылай Әуелханов алған.

Қола жүлдесін спортшы Гүлнұр Ыбырай жеңіп алса, жарыстың кейінгі үш күндік қорытындылары бойынша Азамат Төлеген мен Мейрамбек Әбіхалық қорытынды хаттаманың төртінші сатысына көтерілді.