Тәжістан СІМ Джо Байденнің мәлімдемесіне қатысты нота жолдады

Тәжікстан сыртқы істер министрлігі АҚШ президенті Джо Байденнің айтқан сөзіне байланысты АҚШ елшісіне нота тапсырды.

Бұл туралы Orda.kz хабарлайды.

АҚШ президенті Джо Байден 11 қыркүйекте Пенсильваниядағы өрт сөндіру бөліміне барған кезде «егер біз Тәжікстанда болып кеткісі келетіндердің бәрін АҚШ-қа әкетеміз десек, Тәжікстаннан ұшатын ұшағымыздың дөңгелегіне да жабысатындар көп болар еді» деген болатын.

Байденнің айтқан сөздері Тәжікстан жұртшылығы арасында резонансты пікір тудырды. Арада үш күн өткеннен кейін СІМ АҚШ елшісіне нота тапсырды.

– АҚШ-тың Тәжікстандағы төтенше және өкілетті елшісі Джон Марк Поммершайм сыртқы істер министрлігіне шақырылды. Оған Пенсильваниядағы өрт сөндіру бөліміне барған кезде АҚШ президентінің мәлімдемесіне байланысты наразылық нотасы берілді, - делінген СІМ ақпарат департаментінің хабарламасында.