Тәжікстан президенті Тоқаевпен Ауғанстан мәселесімен байланысқа шықты

Тәжік тарапының бастамасымен Қасым-Жомарт Тоқаев пен Тәжікстан Президенті Эмомали Рахмон телефон арқылы байданысқа шықты.

Бұл туралы Orda.kz Ақордаға сілтеме жасап хабарлады.

Әңгіме барысында Ауғанстандағы жағдайдың шиеленісуіне байланысты Орталық Азияның қауіпсіздігі туралы айтылды.

Тоқаев Тәжікстанмен достық қатынастардың мызғымастығын растады. Қазақстан Қасым-Жомарт Тоқаевтың 19-20 мамырда Душанбе қаласына жасаған сапары кезінде қол жеткізілген келісімдерді орындайды және бауырлас тәжік халқына көмек көрсетуді жалғастырады.

Мемлекет басшылары аймақтағы жағдай туралы өзара ақпарат беру және іс-әрекеттерді үйлестіру мақсатында тұрақты жұмыс байланыстарын жүргізуге келісті.