Тәжік-ауған шекарасындағы бақылау арнайы жасақтармен күшейеді

Тәжік-ауған шекарасында бақылауды күшейту аясында тәжік шекарашыларына 18 жылқы тапсырылды.

Бұл туралы Orda.kz Орталық Азия жаңалықтар қызметіне сілтеме жасап хабарлады.

Атты жасақ Шамсиддин Шохин аймағындағы шекараның жетуге қиын учаскелерін күзетеді. Бұрын ауғандық есірткі саудагерлері Тәжікстанға «уды» тасымалдау кезінде мемлекеттік шекараның осы учаскесін жиі пайдаланған.

– Көлік жетуге қиын жерлерді патрульдеу мүмкін емес. Біз осы уақытқа дейін таулы аймақтарға патрульдеу үшін 18 жылқы алдық. Олар бізге тағы бірнеше жылқы береміз деп уәде берді, - деді шекарашылардың бірі.

Кеңес дәуірінде Ауғанстанмен шекараның көптеген учаскелерінде атты жасақтар күзет жүргіздген.

Бұл арада Шамсиддин Шохин ауданының басшысы Зафар Гүлзоданың айтуынша, аудан аумағында жаңа шекара бекетінің құрылысы жалғасуда. Жаңа кеден қайда және қандай қаражатқа салынып жатқанын нақтылаған жоқ.