Тоқтар Әубәкіров браконьерлікке қатысты өз жауабын айтты

Кеңес Одағының Батыры Тоқтар Әубәкіров браконьерлік туралы айыптауларға жауап берді.

Бұл туралы Orda.kz ҚазТАГ-қа сілтеме жасап хабарлады.

Кәсіпкер Батыр Сейкенов Тоқтар Әубәкіровті браконьерлік жасады деп айыптады. Ол өткен демалысты Қостанай облысының Торғай ауылында қорғалатын табиғи қорық жанында болған.

– Мен қарусыз болдым. Облыс әкімімен сөйлесіп, сноуборд тепкім келетінін айттым. Қазір еш жерде қар жоқ, бірақ сол жерде ұар болды. Ойланбастан серуендеуге шықтым, - деді Тоқтар Әубәкіров.

Ол тіпті браконьерлік жасады деп айыптаған Сейкеновтің қарамағындағылардың да оның қаруы жоқ екенін растағанын көрсетті.

Сондай-ақ, ғарышкер ешқашан браконьерлікпен айналыспағанын айтты.