Тәуелсіздік күні оқушылар «Жас Ұлан» қатарына қабылданды

Ел Тәуелсіздігінің 30 жылдығы қарсаңында Көкшетауда «Ұланымыз ұлы елдің» облыстық форумы өтті.

Шара аясында оқу озаттары, өз мектебінің, қаласы мен облысының намысын бірнеше рет қорғаған белсенділер «Жас ұлан» бірыңғай балалар мен жасөспірімдер ұйымының қатарына қабылданды, деп хабарлады Ақмола облысының ішкі саясат бөлімі.

Мәлім болғандай, форумға облыстың 19 ауданы мен 2 қаласынан 100-ге жуық балалар мен жасөспірімдер қозғалысының белсенділері қатысты. 10 мектеп оқушысы «Жас Ұлан» қатарына қабылданды.

«Биыл «Жас Ұлан» балалар-жасөспірімдер қозғалысы 10 жылдығын атап өтті. «Жас Ұлан» екі деңгейлі мүшелік жүйесімен құрылған. Аға мүшелері – студенттер мен 5-10 сынып оқушылары, кішілер – оның мүшесі болуға өз еркімен ниет білдірген және қозғалыстың дамуына үлес қосқысы келетін 1-4 сынып оқушылары» деп түсіндірді Ақмола облысының білім басқармасында.

Осы жылдар ішінде «Жас Ұлан» балалар ұйымы облыстың қоғамдық өміріне белсене араласып, қозғалыстың дамуына өз үлесін қосып келе жатқан 500 мыңнан астам ақмолалық балалар бар.

Бүгінгі таңда 88 мыңнан астам мектеп оқушылары «Жас Ұлан» және «Жас Қыран» балалар мен жасөспірімдер ұйымдарының мүшесі.