Тәуелсіздік күні қарсаңында Алматылық жас отбасылар баспаналы болды

Алматы қаласының әкімі Бақытжан Сағынтаев Тәуелсіздік күні қарсаңында жүздеген жас отбасыларды мерекелерімен құттықтап, баспана кілтін табыс етті.

«Тәуелсіздік күнінде баспаналы болу – зор қуаныш. Үйлеріңізде әрқашан бейбітшілік, қуаныш пен тыныштық орнасын! Қоныс тойы құтты болсын!», - деді Б. Сағынтаев.

Мемлекет басшысының тапсырмасымен қолжетімді несиелер арқылы тұрғын үймен қамтамасыз ету мақсатында әзірленген «Шаңырақ» және «Нұрлы жер» бағдарламалары бойынша баспана алған бақытты отбасылар саны 232-ні болып отыр.

«Нұрлы жер» тұрғын үй бағдарламасының «жалдамалы баспана» бағыты бойынша кезекте тұрған 140 адам пәтер кілтін алды. Түрксіб ауданының «Жас қанат» ықшам ауданынан 80 пәтер, Алатау ауданының 13-ші ықшам ауданынан 60 пәтер берілді.