Тәуелсіздік күні Алматыда «Медеу» туристер орталығы ашылды

Алматы әкімі Бақытжан Сағынтаев тұрақты экотуризмді дамыту шаралары аясында құрылған жаңа туристік нысанмен танысты.

Жеке инвестор жүзеге асырған жоба -  қоғамдық тамақтандыру орны, туристік құрал-жабдықтар дүкені және қоғамдық санитарлық бөлмелері орналасқан туристік ақпараттық орталық.

Ақпараттық орталықта Іле-Алатау ұлттық саябағы туралы қажетті ақпарат бар, бұл үшін Visit Almaty ақпараттық үстелі орнатылды, кеңесшілер жұмыс істейді. Мұнда олар туристік бағыттар, соқпақтар, Ұлттық саябақ аумағындағы нысандар байланыстары, қауіпсіз және жайлы туризм үшін қажетті құрал-жабдықтар туралы мәліметтер береді.

— Біз Тәуелсіздік күні сияқты тамаша мерекеде визит орталығын ашқанымызға қуаныштымыз. Бөгетке барар жолда демалушыларға 15 орындық орнаттық. Жаяу жүргіншілер аймағын да жабдықтамақпыз, - дейді «Тау жол шымбұлақ» ЖШС басшысы Сергей Спицын.

 «Медеу»  визит орталығының жалпы ауданы 208 шаршы метр аумақта орналасқан. Инвестиция көлемі 100 млн.теңге, сонымен қатар 50 жұмыс орны құрылған.

Таудағы қауіпсіздік пен жайлылық үшін Тұйық-су жолында тікұшақ алаңы салынуда. Сонымен қатар, спутниктік байланыс және SOS дүрбелең түймелері бар таулы маршруттардың шалғайдағы тораптарында 15 тау-құтқару саябағы орнатылды.

2 арнайы бақылау-құтқару бекеті дайындалып,16 адамнан тұратын құтқарушылар тәулік бойы кезекшілік ететін таулы аймақта орнатылады. Қимасар шатқалында дабыл түймелерін бақылау жүйесінің пилоттық жобасы іске қосылды.

Ақпаратқа сенсек, бүгінгі таңда таулы аймақта 1000 шақырымнан астам таулы жаяу жүргіншілер жолы цифрландырылып, оның 500 шақырымнан астамы абаттандырылыпты. Олардың барлығы 2Gis және ViewRanger платформаларында қол жетімді. Бұл бағыттар бойынша барлық қажетті ақпараттық деректер, соның ішінде туристер маршруттың күрделілігімен, оның ұзақтығымен және жүру уақытымен таныса алатын QR кодтары бар стендтер орнатылған.

Әкімдік хабарлағандай, Үлкен және Кіші Алматы шатқалдарында ағымдағы жылдың соңына дейін жалпы ұзындығы 179 шақырымға жуық тау жолдарын абаттандыру жұмыстарын аяқтау жоспарлануда. Сондай-ақ Горельник, Просвещенц, Қызылсай, Казачка және Лунная алқабында 6 кемпингтік аймақ құру жұмыстары жүргізілуде.