Тәуелділікті жою үшін мектеп оқушыларының формасына чиптер орнатылды

Қытайда сынақ ретінде Чжухай қаласындағы бастауыш мектептердің бірінде мектеп формасына микрочиптер орнатылды.

Бұл туралы Orda.kz хабарлады.

Чиптер мұғалімдер мен ата-аналарға балалардың қозғалысын бақылауға мүмкіндік береді. Ол баланың қайда және қанша уақыт өткізетінін анықтайды. Балаға қауіп төнсе, жүйе оның ата-анасына хабарлама жібереді.

Мұндай жаңашылдықты дұрыс түсінбегендер де болды. Олар жүйе қылмыстық іс-әрекеттерде қолданылуы мүмкін деп болжады.

Еске салсақ, Қытай бейнебақылау камераларын орнату бойынша көш бастап тұр. Онда бейнекамералар тіпті сыныптың іштерінде де орнатылған. Ол арқылы оқушылардың сабақ уақытында не істеп отырғанын білуге болады.

Айта кетсек, бұған дейін Қытай билігі кәмелетке толмағандардың видео ойындарын ойнауға кететін уақытын қысқартқан. 18 жасқа толмаған балалар аптасына үш сағат қана ойын ойнай алады.