Төтенше жағдай кезінде 10 өрт сөндіруші зардап шеккен

Төтенше жағдайлар министрлігі тәртіпсіздіктер кезінде бір қызметкердің сол қолынан жанама оқ жарақатын және  тоғыз адам дене жарақатын алғанын хабарлады.

Қызметкерлерді  ауруханаға жатқызу қажеттігі туындамаған.

Өрттерді сөндіру кезінде жеті өрт сөндіру машинасы ұрланып, бесеуі жанып, 25-і зақымданған. Қазіргі уақытта 21 көлік қалпына келтірілді, қалғандары есептен шығарылды.

Төтенше жағдайларды жоюға барлығы 1300 адам мен 250 техника жұмылдырылған.

Ведомствоның хабарлауынша, Төтенше жағдайлар министрлігі  бөлімшелерінің күшімен 117 өрт сөндірілді, оның ішінде 58-і  Алматы қаласында. Бұл қалаға ең көп күш жұмылдырылған.

Сонымен қатар төтенше жағдай уақытындағы өрт сөндіру кезінде 30 адам құтқарылып, 115 адам эвакуацияланғандығы белгілі болды.