Түрмедегі тұтқынға телефон бермек болған адам ұсталды

Алматы облысында түрмедегі тұтқынға телефон бермек болған ер адам ұсталды.

Бұл туралы Orda.kz Polisia.kz сайтына сілтеме жасап хабарлайды.

Алматы облысы Жауғашты ауылында орналасқан әйелдер колониясына 35 жастағы ер адам күзетілетін объектінің аумағына скотчпен оралған екі түйіншекті лақтыруға тырысты.

Мекеме қызметкерлері қырағылығының арқасында ер адамның әрекеті уақтылы тоқтатылды. Оқиға орнына келген жедел тергеу тобы түйіншектерді ашты. Онда сотталғандарға пайдалануға тыйым салынған 11 ұялы телефон, 11 sim-карта, 5 зарядтау құрылғысы тәркіленді.

– Аталған факті бойынша материал Қарасай мамандандырылған ауданаралық әкімшілік сотына ер адамға қатысты процессуалдық шешім қабылдау үшін жіберілді, - деді Алматы облысы ҚАЖД басшылығының міндетін атқарушы Қанат Ашов.