Түркістанда жоғалып кеткен жасөспірімнің денесі септиктен табылды

Түркістан облысында полиция қызметкерлері жоғалған баланың денесін септиктен тапты.  

– 18 желтоқсан күні Ордабасы АІІБ-нің «102» пультіне Шұбарсу ауылының тұрғыны кәмелетке толмаған 8-сынып оқушысы із-түзсіз жоғалып кеткенін, белгісіз бағытқа кетіп қалып, оралмағанын хабарлады, - деп хабарлады Түркістан облысының полиция департаменті.

Жедел-іздестіру шаралары барысында полицейлер өз үйінің ауласындағы септиктен 14 жастағы жасөспірімнің денесін тапты. Болжам бойынша, кәмелетке толмаған жасөспірім септикке түсіп кетіп қайтыс болған.

Қайғылы оқиғаға қатысты сараптама тағайындалды. Қазіргі уақытта оқиғаның барлық мән-жайы анықталуда.