Түркістандағы жантүршігерлік жағдайға қатысты тың ақпараттар пайда болды

Түркістан облысы полиция департаментінің басшысы Қайрат Дәлбеков он жеті ер адамның зорлағаны туралы хабарлаған сарыағаштық оқушы қыздың ісіне қатысты пікір білдірді.

Бұл туралы Orda.kz хабарлайды.

– Әлеуметтік желіде Сарыағаш ауданында 17 ер адамның қызды зорлағаны туралы ақпарат шығып, осы ауданға жеке өзім барып, қызбен анасы және адвокат пен журналистің қатысуымен кездестім. Естеріңізге сала кетейін, әйел ең алдымен 25 мамырда полицияға 17 жасар қызының жоғалғаны туралы хабарлаған. Аталған жайтты біз ҚР ҚК-нің 125-бабы "Адам ұрлау" бойынша СДТБТ-ға тіркедік. Содан кейін полиция қызды бір күн бойы іздеп тауып, ата-анасына қайтарды. Бір аптадан кейін, яғни 31 мамырда әйел тағы да полицияға күдікті адамдарға қатысты ұрлау жайты бойынша қылмыстық қудалауды тоқтату туралы нотариалды куәландырылған өтініш түсірді, - деп жазды Дәлбеков Facebook-те.

10 маусым күні ауыл тұрғыны полицияға қайта жүгінген. Осы жолғы арызында оқушы қызды 17 адамның зорлағаны туралы айтылған.

– 2021 ж. 10 маусымда ауыл тұрғыны қайтадан полицияға жүгінді. Бұл жолы қызы жоғалған кезде оны 17 ер адам зорлаған болып шықты. Мәлімделген қылмыстың ауырлығы ескеріліп, бұл хабарлама бірден ҚР ҚК 120-бабы 3-бөлігі бойынша тіркелді. Сараптамалар тағайындалды, - деді ол.

Сот-медициналық сараптама орталығы оқушы қыздың зорлық-зомбылық көрді деген дерегін жоққа шығарып отыр. Ал қыздың анасы күдіктілерден 8 миллион теңге алған.

– Сот-медициналық сараптама орталығының қызметкерлері зорлық-зомбылық дерегін жоққа шығарды. Сондай-ақ анасы қызының киімін өз қолымен өртегенін мойындады. Осыған байланысты сарапшылар сараптама жүргізе алмады. Оған қоса күдіктілерден 8 миллион теңге алғанын да анасы өзі хабарлап отыр. Сондықтан жыныстық қол сұғылмаушылығына қатысты қылмыстық істерді тергеу кезінде тергеу күдіктілердің кінәсін тек сараптама нәтижелеріне сүйене отырып анықтауға болатынын түсіндіргім келеді. Яғни бұл істе сараптама аса маңызды, сол  арқылы зорлық болған, болмағаны анықталады. Қазір бұл іс ТО ПД Тергеу басқармасында қаралуда. Сараптаманың бірнеше түрі тағайындалды. Нәтижелері бойынша заңды процессуалдық шешім қабылданатын болады, - деп жазды Түркістан облысы полиция департаментінің басшысы.