Түркістанда Созақ ауылының түлектері жалғызбасты анаға үй сыйлады

2001 жылы Созақ гимназия мектебін бітірген ауыл түлектері қаражат жинап, жалғызбасты анаға төрт бөлмелі үй салып берді.

Бұл туралы Orda.kz Түркістан облысының әкімдігіне сілтеме жасап хабарлады.

Созақ ауылында 20 жыл бұрынғы түлектер қайырымдылық жасап, жалғызбасты ана Саламат Ералиеваға төрт бөлмелі үй салып берді. Мұнда электр қуаты, су және жылу бар, тұрғын үй заманауи жабдықтармен жабдықталған.

Сонымен қатар, түлектер ауылда футбол ойынын өткізді. Барлық іс-шаралар карантиндік шараларға сәйкес жүргізілді.

Бірлескен күш-жігермен ауыл түлектері туған жерін түлетуге және көркейтуге тырысатыны атап өтілді.