Түркістан облысында журналистке қастандық жасамақ болғандар ұсталды

Түркістан облысында журналистке қастандық жасалмақ болған. Полиция қылмысқа қатысы бар бес күдіктіні ұстады.

Айғақ ретінде қылмыстан түсетін ақшаға сатып алынған екі көлік, сонымен қатар 16 калибрлі оқтар тәркіленген. Сарығаш ауданының тұрғыны, нақтырақ айтқанда шенеунігі журналисті өлтіруге тапсырма берген. Оның өмірінің құнын 5 миллион теңгеге бағалаған.

Сотқа дейінгі тергеу барысында қылмыстың себептері мен барлық мән-жайлары анықталатын болады.

Күдіктілер уақытша ұстау изоляторына қамалды.

Бұған дейін 3 қаңтар күні БАҚ беттерінде Сарығаш ауданындағы белгілі журналистің үйіне шабуыл жасалғаны айтылған болатын, оқиға кезінде оның баласы жарақат алған еді.