Түркістан облысында жол апаты салдарынан алты адам қаза тапты

Түркістан облысында жол апатынан алты адам қайтыс болды.  

Бұл туралы Orda.kz хабарлайды.

Жетісай-Шардара тас жолының 172-ші шақырымында Опель көлігі қарсы жолаққа шығып, Audi автокөлігімен бетпе-бет соғысқан.

– Жол-көлік оқиғасы салдарынан екі автокөлік жүргізушісі мен 4 жолаушы қаза тапты. Оның ішінде екеуі кәмелеттік жасқа толмаған бала екені анықталды, - деп хабарлады Түркістан облысының полиция департаменті.

Түркістан облысының полиция департаменті тергеу жұмыстарын жүргізіп жатыр. Сараптамалар тағайындалды. Сотқа дейінгі тергеу кезінде апаттың барлық мән-жайы анықталады.