Түркістан облысындағы тауда жеті турист жоғалып кетті

Түркістан облысы тауларында жеті турист жоғалып кетті. Олар Сайрам-Өгем мемлекеттік ұлттық табиғи паркі аумағында демалған.

Бұл туралы Orda.kz Төтенше жағдайлар министрлігінің ресми өкілі Талғат Уәлиге сілтеме жасап хабарлады.

Олардың жоғалып кеткені туралы 25 мамырда кешкі сағат 18:30-да хабарланған.

Туристер тобы 21 мамырда Сары-Айғыр шатқалына жаяу көтерілген. Олар шатқалдан 24 мамыр күні оралулары керек еді.

26 мамырда жаяу іздеу топтары шамамен 37 шқ таулы жерлерді іздеу жұмыстарын жүргізді. Екі ұшқышсыз аппарат 4 шқ айналаны шарлады.

Жедел-іздестіру іс-шараларына Түркістан облысының 25 құтқарушысы, 2 квадрокоптер және 7 бірлік төтенше жағдайларды жою техникасы жұмылдырылды. Сондай-ақ, полиция қызметкерлері, жергілікті атқарушы органдар, ҰҚК Шекара қызметінің ат патрулі, ұлттық парктің қызметкерлері және хабар-ошарсыз кеткендердің туыстары іздеу жұмыстарына ат салысты.

Ал «Қазавиаспас» АҚ тікұшағы ауа-райына байланысты шарлау жұмыстарын жүргізе алмай отыр.