Түркістан облысында су тасқынынан зардап шеккендерге 111 млн бөлінді
Зардап шеккен әрбір отбасына орта есеппен 600 000 теңгеден көмек көрсетілді. Атаулы көмекті Болат Өтемұратов атындағы Қор, Қазақстан Қызыл Жарты Ай және ForteBank-пен бірлесіп көрсетті.
Болат Өтемұратов атындағы Қор, Қазақстан Қызыл Жарты Ай қоғамы және ForteBank-пен бірлесіп Түркістан облысында қатты жаңбырдан зардап шеккен отбасыларға 111 млн теңге атаулы көмек көрсетті, орта есеппен әр отбасына 600 мың теңгеден берілді.
Түркістан облысының Сарыағаш және Қазығұрт аудандарында 1115 мың адам тұрған 180 үйді су басты. Атап айтқанда, Қақпақ, Сарапхана, Қызылқия, Шанақ, Қарабау, Бағыз ауылдары зардап шекті. Тұрғындар қауіпсіз жерге көшіріліп, орналастырылды.
— Аула мен қора су басқан кезде мен үйде 4 баламен жалғыз қалдым, бұл өте қорқынышты болды. Бастапқыда үйге су кіреді деп ойламай, көшедегі заттарды ішке кіргізе бастадық. Түнге жақын дәлізді су басты, мен құжаттар мен заттарды жинай бастадым. Бірнеше сағаттан кейін бүкіл үй суға кетті, құрғақ ештеңе қалмады, тіпті төсек-орын да. Қазір залалды бағалау үшін үйдің кеуіп кетуін күтіп отырмыз. Едендерді толығымен қайта жасау керек екені қазірдің өзінде белгілі. Түскен қаражатты соған жұмсаймыз деп ойлаймын, – дейді зардап шеккендердің бірі, Қызылқия ауылының тұрғыны Әсиягүл Үтаева.
Су басқан тағы бір Қақпақ ауылының тұрғыны Ораз Алтынбеков оқиғаның барысына тоқталды.
— Біздің отбасы үлкен, 11 адам бар. Біздің үйлердің барлығы бір учаскеде бір-біріне жақын орналасқан. Алдымен қызымның үйін су басты, ол кішкентай балаларымен бізге келді. Түнде ас үйге барсам, айнала су болып жатыр екен. Таңертең балаларды қалаға туыстарына жібердік, ал өзіміз күтіп отырдық. Бірнеше күннен бері аулаға шығу мүмкін болмады, айнала су мен лай болды. Одан кейін құтқарушылар суды сорып шығарды. Сарайымыз опырылып, үйдің қабырғалары құлады. Ең алдымен еденді алып тастаймыз, астына кептіреміз, – дейді Ораз Алтынбеков.
Құтқарушылар бүгінге дейін көшелер мен аулалардағы суды толығымен дерлік сорып үлгерді. Жергілікті тұрғындар үйлеріне қайта бастады және қираған үйлер мен ғимараттарды қалпына келтіру жұмыстарын бастауды жоспарлап отыр.
24 сәуірден бері Түркістан облысында толассыз жауған жаңбырдан Қазығұрт ауданындағы 4 елді мекенді, Сарыағаш ауданында 53 ауланы, 18 тұрғын үйді, 16 шаруашылық құрылысты және бір тойхананы су басқан.
Су басқан аймақтардан 50 адам эвакуацияланды. Олар туыстарының үйлеріне қоныстанды. 25 сәуір күні таңертең тұрғындардың көпшілігі үйлеріне қайтты, деп хабарлады Түркістан облысы әкімдігі. Су тасқыны кезінде 200-ге жуық мал өлген.
Жаңалықтар
- АҚШ жер серіктеріне шабуыл жасау үшін ғарышқа қару орналастыруды жоспарлап отыр
- Қызылжардағы су басқан үйлердің 80 пайызға жуығы техникалық байқаудан өтті
- Алматыда 1 маусымға дейін Mass Alert сейсмикалық ескерту жүйесі енгізіледі
- Журналист жалаңаш бейнетүсірілімі үшін мемлекеттік органнан өтемақы өндірді
- Бішкекте шетелдіктерге қарсы наразылық күшейе түсті
- Қазақстан бүгін АҚШ құрамасымен хоккейден әлем чемпионатында кездеседі
- Қазақстан мен Жапония су тасқынымен күресуде күш біріктіреді
- «Атырау-Орал» тас жолы тасқын суды өткізу үшін қазылды
- СҚО-да су басқан үй қалмады – Төтенше жағдайлар министрлігі
- Арықтарды жөндеу Алматыны су басудан құтқармайды
- Orda News аптаның басты оқиғаларына шолу жасады
- Ердоған қапаста жатқан бұрынғы жеті генералға рақымшылық жасады
- Қасым-Жомарт Тоқаев БАӘ президенті Мұхаммед бен Заид Әл Нахаянмен телефон арқылы сөйлесті
- Тоқаев Путинмен телефон арқылы сөйлесті
- Атырауда облыс әкімдігіне қарама-қарсы орналасқан көрікті жерлер су астында қалды
- Қазақстанда Ресей заңнамасын бұзған Өзбекстан азаматтары ұсталды
- Банкроттыққа жүгінетін борышкерлер
- 2025 жылдан бастап кіріс туралы декларацияны жариялау міндетті болады
- Жалақының ЖІӨ-дегі үлесі талап етілетін 50 пайыздың небәрі 30 пайызын құрайды- Әшімбаев
- «Алатау» әлемдегі ең экологиялық таза және озық қала болады